ប្រធាន​មន្ទីរ​សុខាភិបាល​ខេត្តសៀមរាប បដិសេធ​នឹង​ហ្វេ​ស​ប៊ុ​កមួយ​ដែល​ផ្សាយ​ថា បុរស​ម្នាក់​មាន​មេរោគ​កូ​វីត​១៩ បាន​រត់​ចេញពី​មន្ទីរពេទ្យ​

លោក ក្រុស សារ៉ាត់ ប្រធាន​មន្ទីរ​សុខាភិបាល​ខេត្តសៀមរាប បាន​សរសេរ​លើ​បណ្តាញ​សង្គម Facebook ផ្លូវការ​របស់លោក​ថា គឺជា​ការមិនពិត​ទេ ។​

​លោក ក្រុស សារ៉ាត់ បាន​សរសេរ​បញ្ជាក់ទៀតថា បុរស​ដែលមាន​ផ្ទុកមេរោគ COVID-19 បាន​នឹង​កំពុងតែ ស្ថិតនៅក្នុង​បន្ទប់​ដោយឡែក​ក្នុង​មន្ទីរពេទ្យ ដោយមាន​សុខភាព​ល្អ​ធម្មតា នេះ​ជាការ​ពិត កុំ​ឲ្យ​ជន អគតិ​បំពុលសង្គម ចេះតែ​កូរ​បោកប្រាស់​។​

​ការចេញមុខ​បដិសេធ​របស់លោក ក្រុស សារ៉ាត់ ប្រធាន​មន្ទីរ​សុខាភិបាល​ខេត្តសៀមរាប នាពេលនេះ គឺ​បន្ទាប់ពី​មាន​ហ្វេ​ស​ប៊ុ​កមួយ​ដែល​ផ្សាយ​ថា បុរស​ម្នាក់​ក្រោយពេល​ដឹងខ្លួន​ថា​មេរោគ​កូ​វីត​១៩ បាន​រត់គេច​ចេញពី​កន្លែង​ព្យាបាល​ដែល​គេ​ដាក់​ដោយឡែក​បាត់​ហើយ ។​

​លោក ក្រុស សារ៉ាត់ បានបង្ហាញ​នូវ​ក្ដីសង្ឃឹម​យ៉ាង​មុតមាំ​ថា​អ្វីៗ​គ្រប់យ៉ាង ពិតជា​ស្ថិតក្រោម​ការគ្រប់គ្រង យើង​ធ្វើការ​ដោយ​សាមគ្គីភាព ។​

​សូម​ថ្លែងអំណរគុណ​ដល់ ប្រមុខ​រាជរដ្ឋាភិបាល​, រដ្ឋមន្ត្រី​ក្រសួងសុខាភិបាល​, គណៈ​អភិបាលខេត្ត​, និង​បុគ្គលិក​សុខាភិបាល ទាំងអស់​ដែល​បាន​លះបង់ កំលាំងកាយ​ចិត្ត ចូលរួម​ក្នុង​ការងារ ទាំង​ថ្ងៃ ទាំងយប់ ៕